أوقات كتير بفكر مع نفسى فى حاجات غريبة والمرة دى فكرت فى الحب بس يا خسارة
موصلتش لحاجة علشان
انا فكرت وسالت نفسى هل الحب حلال ولا حرام ؟
هل العلاقة بين الرجل والمرأة حلال ولا حرام؟موصلتش لحاجة علشان
انا فكرت وسالت نفسى هل الحب حلال ولا حرام ؟
انا مش عالم من العلماء ولا داعية فى الدين بس انا عايز اعرف الحقيقة
عارفين حقيقة ايه ؟ حقيقة اللى الشباب فيه انا شايف ان فيه ناس كتير بتحب من جيلنا بس الكلام دة صح ولا غلط
انا كل ما اسمع داعية فى حكاية الحب دة الاقيه بيناقض نفسه مرة يجزم انه حرام ومرة تانية تكون حلال
حتى علماء الدين منقسمين فى الموضوع دة مرة اشوف واحد بيقول حلال وواحد تانى بيقول حرام
انا اتلخبطت لدرجة انى مابقيتش عارف الصح من الغلط
من ايام استضافوا واحد فى قناة المحور قال كلام غريب جدا قال ان اول نظرة مش حرام طيب ماشى كلنا عارفين كدة بس استعجبت لما قال ان اول بوسة حلال ودة لما اتنين فى طريقهم لبداية علاقة هههههههههههه(كلام فارغ)كله هبل
ويبرر موقفه بان الزواج بقى صعب( يظهر انه عايز يتعالج نفسيا)
المهم فى الاخر برضه موصلتش لحل ولا عرفت الحرام من الحلال
انا كل اللى انا عايزه ان لو واحد فيكم سمع اى حاجة عن الموضوع دة يقولى او له راى ميتكسفش ويقول يمكن اوصل وتوصلوا معايا لحل
9 comments:
والله موضوع حلو يابو حميد
بص بقى يا سيدى
الحب الحقيقى ان الانسان يكون خايف على الانسانة اللى بيحبها وبيحافظ عليها مظنش ان دة حرام
والله يابو حميد لو كل ولد فكر فى البنت اللى معاه كانها اختة وعمل معاها زى ما يتمنى ان اختة يتعمل معاها مكنش حصل حاجة
انا فعلا سمعت حكاية الشيخ اللى بيقولك البوس حلال
وفرحت اوى قلت هنمشى نبوووووووووس
ههههههههههههههههههههههههههه
البلد خربت يا عم احمد كل واحد يلبسلك جلابية ويقولك انا شيخ
طب مانا اسمى الشيخ عمر فيها اية
بجد بقى يابو حميد الحب اللى الطرفين فيه بيحطوا ربنا قدامهم وانهم نفسهم ربنا يوفقهم سوا ويرتبطوا ببعض اكيد حب ناجح وحلال
موضوعك جميل يابو سعيد وربنا
مممممممممممممممممممممم
الحب عمره ما كان حرام و فعلا ما دام اللي بيحبوا بعض بيراعوا ربنا في كدة
انما حكاية اول بوسة دي لو مش حرام يا ريت و الله
ههههههههههه
قصدي يعني ايه الكلام الغريب دة
دي باظت ع الاخر و كله بيفتي دلوقتي
موضوع شائك وانا مش مفتي علشان اتكلم بس انا هقول وجهه نظري
انا شايف ان الحب حلال لما يكون الحبيب بيعامل حبيبته زى ما هو عايز اى حد يتعامل مع اخته لو بيحبها
والبنت تتعامل مع حبيبها قصدا اى حد وبدون ما تكون بتحس انها بتعامل حاجة تخاف منها
وبالنسبة للفتوي
الفتوي للمفكر الاسلامي جمال البنا اخو الإمام الشهيد حسن البنا ربنا يرحمه وهو مش شيخ هو مفكر ليس إلا وحتى لو شيخ يعني ربنا عرفوه بالعقل ومش متحاجه مشيخة دي كمان
لو حد يرضي يتعمل كدا فى اخته او بنته يروح يعمل كدا
تحياتى
تشي
عمر الدولى
شكرا اوى على ردك
بس ايه رايك فى الموضوع دة
انا كل اللى عجبنى حكاية البوس دى
هههههههههههههه
احمد فهمى
معاك حق يا فهمى لازم يراعوا ضميرهم ويخافوا من ربنا
وسيبك من حكاية البوس دى ههههههه
جيفارا
معاك حق فى الكلام دة
لازم الواحد يحط فى اعتباره داين تدان
وشكرا انك عرفتنى مين دة اللى قال الفتوة دى اصلى عايز اروحله واساله على حاجة ههههههه
يقول الله سبحانه: (قُلْ إِنْ كُنْتُمْ تُحِبُّونَ اللهَ فاتَّبِعونِي يُحْبِبْكُمُ اللهُ ويَغْفِرْ لَكُمْ ذُنوبَكُمْ) (سورة آل عمران : 31) ويقول النبيُّ ـ صلّى الله عليه وسلم ـ فيما رواه أصحاب السنن عن حبِّه لعائشة ـ رضي الله عنها ـ "اللهم هذا قَسْمي فيما أملِك، فلا تلُمني فيما تملِك ولا أملِك" ويقول فيما رواه مالك في الموطأ "قال الله تعالى: وَجبَتْ مَحبَّتِي للمتحابِّين فيَّ، والمُتجاِلِسين فيَّ، والُمتزاورين فيّ" ويقول فيما رواه مسلم "الأرواح جنود مجنّدة، ما تعارَف منها ائتَلفَ".
الحبُّ في دنيا الناس تعلُّق قلبي يُحِس معه المحبُّ لذة وراحة، وهو غذاء للرّوح، وشبَع للغَريزة، ورِيٌّ للعاطفة، أفرده بالتأليف كثير من العلماء الأجلاء.
ومن جهة حكمه فإنه يُعطَى حكم ما تعلَّق به القلب في موضوعه والغرض منه، فمنه حبُّ الصالِحين، وحبّ الوالد لأولاده، وحبّ الزوجين، وحب الأصدقاء ، وحبّ الولد لوالديه، والطالب لمُعلِّمه، وحبّ الطبيعة والمناظر الخَلاّبة والأصوات الحسنة، وكل شيء جميل.
ومن هنا قال العلماء: قد يكون الحب واجبًا، كحب الله ورسوله، وقد يكون مندوبًا كحب الصالحين، وقد يكون حرامًا كحب الخمر والجنس المحرّم.
وأكثر ما يسأل الناس عنه هو الحب بين الجنسين، وبخاصّة بين الشباب، فقد يكون حُبًّا قلبيًا أي عاطفيًّا، وقد يكون حبًّا شهويًّا جِنسيًا، والفرق بينهما دقيق، وقد يتلازَمان، ومهما يكن من شيء فإن الحب بنوعيه قد يُولَد سريعًا من نظرة عابرة، بل قد يكون متولدًا من فكر أو ذكر على الغيب دون مشاهدة، وهنا قد يزول وقد يبقَى ويشتد إن تَكرَّر أو طال السبب المولِّد له. وقد يولَد الحب بعد تكَرُّر سببه أو طول أمده، وهذا ما يَظهر فيه فعل الإنسان وقَصده واختياره.
ومن هنا لابدّ من معرفة السّبب المولِّد للحُبِّ، فإن كان من النوع الأول الحادث من نظر الفجأة أو الخاطِر وحديث النفس العابر، فهو أمر لا تسْلَم منه الطبيعة البشرية، وقد يدخل تحت الاضطرار فلا يحكَم عليه بحلٍّ ولا حرمة.
وإن كان من النوع الثاني الذي تكرّر سببه أو طالت مدّته فهو حرام بسبب حرمة السبب المؤدِّي له. وإذا تمكَّن الحب من القلب بسبب اضطر إليه، فإن أدَّى إلى محرّم كخلوة بأجنبيّة أو مصافَحة أو كلام مُثير أو انشغال عن واجب كان حرامًا، وإن خلا من ذلك فلا حُرمة فيه.
والحبُّ الذي يتولَّد من طول فكر أو على الغيب عند الاستغراق في تقويم صفات المحبوب إن أدَّى إلى محرَّم كان حرامًا، وإلا كان حلالاً، وما تولّد عن نظرة متعمّدة أو محادثة أو ما أشبه ذلك من الممنوعات فهو غالبًا يُسلم إلى محرّمات مُتلاحقة، وبالتالي يكون حَرامًا فوق أن سببه محرّم.
هكمل بعدين يا احمد معلش مشغول قوى اليومين دول حتى مش باجى الكلية انا رديت بس علشان وعدتك اعذرنى سلام
شكرا يا عفشة على ردك
والله رد جميل جدا
يمكن من احسن الردود اللى عندى فى كل المواضيع
بجد انا فرحان بردك
عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم
الاجابة على موضوعك باستفاضة عندى فى البلج بتاعى اتمنى تشرفنى سلام
Post a Comment