.jpg)
من ساعة مااتولدت او بمعنى اصح من ساعة ما وعيت على دنيا و الدنيا بتمشى معايا العكس انا كنت زمان بسمع كلام الناس وهما بيقولوا" يوم ليك ويوم عليك" لكن اعتقد ان انا الوحيد اللى حس بمعنى كلمة يوم عليك وعمرى ماشفت ولا حسيت بمعنى يوم ليك حتى لما كنت بفرح كنت حاسس جوايا ان الفرح دة مش هيكمل انا مش هنسى يوم كنت مع واحد صاحبى واحنا رايحين الكلية وقلتله انا مش متفائل وحتى كمان جبت اللاب توب علشان حاسس انى هتخنق واعد لوحدى عارفين حصل ايه اليوم دة؟
كان يوم جميل جدا يمكن اقدر اقول عليه اليوم اللى حسيت انى رجعت فيه للحياة (الاعمار بيد الله)
انا بسأل بقى ليه دايما بتمشى العكس ؟ ليه لما اقول مش متفائل بيبقى اليوم حلو؟ ليه لما احس ان اليوم دة حلو يطلع وحش؟
اخيرا الحمد لله على كل شئ وحش او حلو
انا بسأل بقى ليه دايما بتمشى العكس ؟ ليه لما اقول مش متفائل بيبقى اليوم حلو؟ ليه لما احس ان اليوم دة حلو يطلع وحش؟
اخيرا الحمد لله على كل شئ وحش او حلو
اللهم لك الحمد والشكر يارب
ياترى فى حد فيكم زيى ؟؟؟؟؟؟؟
.jpg){kind=link}
14 comments:
السلام عليكم
الف مبروك البلوج يا ابو حميد ولو اني شايف ان "الف مبروك" صعبه شويه مع نبرة الحزن واليأس ده ...
ياااااه بدايه صعبه :)
انا مكنتش اعرف عنك كدا ...علي طول بشوفك مبتسم وبتقابل كل الناس-وانا منهم- باحلي ابتسامه فيكي يا كليتنا:)
ياااااااااه يا احمد ... مكنتش اتوقع انك شايل كل ده في قلبك...وفعلا مش معني انك مبتسم تبقي مش زعلان...انا صدقت المقوله دي دلوقتي بعد ما قريت كلامك....
بس يا احمد فيه حاجات حلوة في حياتك بس انت اللى مش عايز تشوفها ...او مش واخد بالك منها ..ولو دورت كويس هتلاقيها جواك...
وفعلا الحياه يوم ليك ويوم عليك...وربنا مش بينسي حد يا مان..
وهقولك تاني الدنيا مش بتمسي معاك بالعكس ولا حاجه بس انت اللي بتبص عليها من الزاويه المظلمه دي...بص من زاويه تانيه هتلاقي فيه حاجات كويسه..
ويا سيدي لا يأس مع الحياه:d
comandor
شكرا اوى يا بوحميد على الرد دة
وهحاول اصلح حياتى وادعولنا
يا عم كبر اظن مفيش حد فيكوا اتبهدل من الدنيا دى اد ما انا اتبهدلت وادينى عايشه لسه
اصل طالما ربنا ادانا نعمه اسمها الصبر دى اللى مخليانى مستحمله كل القرف والتعب اللى انا فيه ان الله مع الصابرين وادينى راضيه باللى كتبهولى ربنا اه انا بحاول اغير من القرف ده لكن ما بعترضش على امر ربنا احاول اغير اه لكن اعترض نو وان شاء الله هيجى وقت الفرح وساعه ما هيجى هحس بيه لانه جيه بعد زعل ساعتها هحس بطعم الفرح
على راى نورين الدنيا زى ........ انت اكيد عارف الباقى
سلام بقى طولت عليك
شكرا يا بونبونى على ردك
ده مطلعش انا بس اللى مخنوق
صحيح كل واحد فيه اللى مكفيه
شكرا يا بونبونى
اولا الف مبروك على المنتدى يابو سعيد
شكلها كدة هتكون مقر للحزن
بس ازاى دة انت ابو سعيد يعنى احلى ضحكة فى كلية حاسبات ومعلومات كلها
وانا ملاحظ بقى ان كل واحد بيرد شايف نفسة اكتر واحد اتعذب فى الدنيا
اقولكم حاجة
انتوا كلكم لسة صغيرين انتوا لسة مشفتوش حاجة من الدنيا دى
كل دة الدنيا بتحسس عليكم بس لسة مش ورتكم وشها الوحش بجد
يا جماعة فى حاجة اتقالتى وانا بعمل بيها
اللى اكبر منى قالولى ان فترة الكلية دى هى احسن فترة فى حياتى وقالولى ذاكر واتفسح وسافر واخرج واعمل كل اللى نفسك فيه علشان بعد كدة الدنيا مش هتسيبك فى حالك ومش هتعرف تعيد الايام دى تانى
حاولوا يا جماعة تنفذوا الحكاية دى
وبلاش نبرة الحزن اللى انا شايفها على معظم الدفعة بتاعتنا وعلى فكرة مش كليتنا بس لا دة فى ناس كتير اوى اعرفهم مخنوقين من حياتهم
فى اية يا جدعااااااااااااااااان
اومال بقى انا اعمل اية مثلا لما الاقى نفسى شيلت الاو بى تانى بس بتقدير اعلى (ض) ههههههههههههههه
لا والحلاوة بقى شايل الحمد لله الخمس مواد بتوعنا 4 (ض) وواحدة (ض ج) اظن بقى انا اروح انتحر
عادى جدا وعيشوا حياتكم وان شاء الله كل دول يترفعوا التيرم التانى
يا جماعة وربنا الحياة حلوة والدنيا جامدة مووووووت
وبلاش بقى يابو سعيد نبرة الحزن دى علشان ادخلك كتير على البلوج
علشان انت عارف ان انت حبيبى من ايام الجيزة
ههههههههههههههههههههههههههههههه
سورى قصدى على المدونة
مخدتش قصدى
مش بقولك الدنيا دى تلاهى
هههههههههههههههههههههههههههههه
الف شكر ليك يا عمر يا دولى
اتمنى اكون زيك كدة بس انا بحاول وان شاء الله هوصل
مش زيك اشيل مواد لا زيك متضايقش
ههههههههههه
وابقى اقابلك فى الجيزة
congratulation my sweety for ur site.بس ياريت تبعد عن نبرة التشاؤم اللي في كلامك دي وزي ماقالولك زمايلاك الدنيا مش بتدوم لحد وهي فعلا يوم ليك ويوم عليك دا ياما هتقابل في حياتك الوحش والحلو بس انت في ايدك تخلي الوحش حلو مهما كان بس عايزاك تعرف ان ربنا مابينساش عباده فتوكل على الله ورمي حمولك عليه وعليك بالصلاة والمحافظة عليها وقراءة القرآن الكريم هتحس ان مرتاح
واخيرا وليس اخرا" خليك متفائل وعيش حياتك الدنيا ماتستاهلش
BE HAPPY AND SMILE FOR EVERYTHING"GOOD OR BAD" JUST SMILE
NEXT TIME I WANT TO SEE A NEW
"AHMED"
شكرا يا نهال يا اقرب ما ليا فى الدنيا ماتعرفيش انا فرحان اد ايه انك رديتى
ان شاء الله هحاول اغير من نفسى بس اهم حاجة ادعيلى فى كل صلى
شكرا يا نهال واتمنى متنسنيش فى الدعاء
اوك
وليه متكونش انت شايفها غلط وليه ما تكونش حاطط نفسك فى صندوق صعب الخورج منه
حاول اول حاجة تواجه نفسك وتعرف ايه الغلط اللى انت عملته وايه الصح حاول تحط فى حياتك مبادئ تمشي عليها وما تبصش للدنيا من منظرو ضيق لكن بصلها من منظور اوسع ومن زوايا اخري اكيد هتلاقيها احسن
تشي
صحيح
الغلط اكيد فينا مش فى الدنيا لان لو الغلط فى الدنيا كانت خربت وباظت كلها لكن الدنيا فيها زويل وجويدة وهيكل وناس كتير ناجحة يبقي العيب فينا مش فى الدنيا
او كما قال الامام الشافعي رحمه الله
نعيب زماننا والعيب فينا
وما لزماننا عيب سوانا
ونهجو ذا الزمان بغير ذنب
ولو نطق الزمان إذا لهجانا
تشي
شكرا يا جيفارا واوعدك هحاول اعيد حساباتى من الاول الظاهر انى غلط كتير
وان شاء الله هوصل لحل قاطع
كل دي احزان يا سعيد؟
اقول لك علي نصيحة ؟ماينفعش تعيش مع الناس بطيبة زيادة عن اللزوم
ماتشيلش في قلبك كتيير و زي ما في ايام وحشة اكيد في ايام حلوة
سلامي
شكرا يا فهمى على ردك
وادعيلى يا فهمى محزنش تانى
Post a Comment